點解家庭主婦會係全職？

對上一次上網已經係上星期三了，之後成個星期都冇上過網，冇搵過工，亦冇interview過，好像有點灰..................

不過整個星期都幾充實，執下屋，維修下，又一日。終於又明白點解d家庭主婦會係全職，果然係一份職業。原來一個家庭真係可以有咁多野搞既，抹抹塵：一日了，收拾一下家居：一日了，之後又再要抹抹塵(因為兩日下來，家中又再堆起塵了)：一日了，不停的循環，忙過不停。既瑣碎，又不能不做，因為真係好討厭。

o個時要返工，好，我忍你，一後時間至做一次，期間，我忍。更污糟，我忍，到左某一日，我唔忍喇，大肆收拾整理一番。身水身汗，熱到扒。不過搞完一輪，見到間屋整齊乾淨左，好開心。個下可以用腳係地度行，爽呀，唔駛再著對拖鞋喇，幾好呀真係！

o個下，通常又會諗，唔日日都要隔日整理下間屋至得。可惜，世事往往唔完美，我總係溜左出街，再唔係就係返到屋企，唔知點解總係唔想執既d野，所以，算了。一等又幾個禮拜之後，我再同我間屋決鬥過。