沙塵滾滾~~

除左執屋之外，之前其實同房署報左家中有石屎剝落既現象，位置在?所內，而大門邊都只係上手個師傅手勢差，令到幅牆甩甩下。大門就係星期五，阿師傅就上左來搞，不過令我等左佢成個下晝。

?所方面，星期五房署打來話星期一上晝整，時間係9點至12點。我當然冇理啦，訓覺。9點幾，師傅來，搞左一個鐘左右，叫我簽張野話有人會陣間來睇左先，下晝至搞返掂幅牆。於是我又繼續訓覺。11點幾，有人敲門，係兩個sir仔來睇個?所，睇完之後話：下晝有人來搞。臨走佢開我度閘，發現條邊甩開左，於是佢mark低埋話叫人來整，中間我咩都冇講過，只係講左唔該。可見佢地都幾有責任心，見到居民有野唔妥都會唔駛人出聲來協助下，呢方面幾好。

兩點幾，當我煮緊飯時，上晝個師傅又來了，佢今次真係來幫我補返d窿呀，太好了！過左一陣，電話響，房署個阿姐話6點幾左右會有人來幫我整閘，我當然就不以為然啦，反正我成日都係俾左阿房署你架喇。半個鐘左右之後，兩位叔叔來左，問我係咪報左整閘，咁當然係啦，雖然唔係我自己報既。好快，只係15分鐘左右個叔叔已經同我用"燒行"方式搞掂返度閘，之後仲噴埋油。我就一路食飯睇電視，兩個師傅就分別係?所同大門搞緊我間屋，當中我都冇咩理佢地，佢地有佢地整，我有我煮完就食。

1個鐘頭之內，我間屋就搞掂晒d野喇。不過....................麻煩野當然跟住來啦。石屎佢幫我補好，不過我個?所就成地都係石呀、灰呀，廳亦都好多灰，因為個師傅係咁行來行去，整到成地都係，煩死了！無辦法，唯有進行清潔，一路聽住長毛點樣同阿范太講佢要表達既野、煲呔回應議員既問題，我就一路都回應緊間屋對我既訴求，進行清潔，搞到身水身汗。搞完個廳同?所，索性一不做，二不休，抹埋個雪櫃。雪櫃先生因為d壞蛋引致身體發臭既事，我已經知道很久，近日更收到投訴，唯有幫佢沖個涼，抹下身啦。除晒佢d架出來，洗到乾乾淨淨，成身爽晒，仲冇晒味添呀！搞到呢個時間，都冇咩力喇，係時候到我沖返個涼喇，真係熱鬼死！洗完個頭，沖個暖水涼，真係爽到冇得頂呀！正！出到來，又聽到巨基唱"天上人間，我們註定要.............."好鬼?呀！